Kinta, 28 Marsu 2024
banner_top_2
Notisia
Timor Telecom oferece concerto bá população
Kuarta, 03 Marsu 2010 19:38

Atu festeja lansamentu imajen foun

Iha Sábadu liu bá, loron 27 Fevereiru, Timor Telecom organiza concerto bo’ot ida bá populasaun iha Dili, atu parzenta ninia imajen foun. Banda muzika husi 5 do Oriente, Rock Alegre (manan na’in konkursu banda tinan 2009 ne’ebe Governo mak promove), Dejukdil/Diocese Band (manan na’in konkursu banda Dioseze Dili mak organiza) nó Gembel mak halo anima espetakulu ida ne’e, hó lema “Timor Telecom, ita hotu nia ligasaun”.

Ema barak mak liu husi Campo da Democracia, iha Díli, nó festa ne’e hala’o to’o kalan. Tuir TT, ne’e maneira ida “atu apoia muziku tiomor oan sira nó festa hamutuk hó klienti sira, hó povo, iha empreza nasional telekomunikasaun ninia faze foun ne’ebe foin hahú”.

Marka foun ne’ebe fó sai bá públiku iha semana kotuk, “hanesan mudansa ida husi TT atu hakbesik án liu tán bá ninia klienti sira”, explika Manuel Amaro, administrador delegado.”Traduz empeñu, inovasaun nó esforsu husi Timor Telecom iha estratejia hadián kualidade, kresimentu nó dezenvolvimentu servisu komunikasaun iha rai laran, bá benefisiu populasaun timor oan.”

Hó imajen foun ne’e, TT besik liu tán bá timor oan sira, bá kultura nó besik liu bá rai ida ne’e, hamtin án hanesan empreza timor oan ne’ebe joven, modernu nó inovadora. Hili tia kor azul hanesan “kor ne’ebe nabilan, atu fó sinal bá ne’ebe nabilan bá empreza nó ninia klienti sira”.


Rock Alegre

Diocese

5 do Oriente bass player, baixista 5 do Oriente

Diocese Band drummers, baterista Diocese


Rock Alegre drummers, baterista Rock Alegre



The crowd, O público