Domingu, 25 Juñu 2017
banner_top_2
Notisia
Asaun formasaun iha Timor Telecom
Tersa, 15 Juñu 2010 00:33
Aposta bá futuro ida hó kualidade

Fulan Maiu liu bá hatudu án buras teb-tebes bá departamentu komersial. Asaun formasaun ne'ebe empreza Odete Fachada Consultores Lda hala'o fokus liu iha call center, loja sira, liña apoiu tekniku, komersial iha dalan nó bá ekipa telemarketing. Nó ninia rezultadu ita haré dadaun ona.

Hó hanoin atu hadi'an servisu atendimentu bá klienti, asaun formasaun ne'e diak teb-tebes hó rezultadu ne'ebe pozitivu liu. Crisogno Boavida, hosi sentru kontrole área komersial nian (call center) afirma katak " klienti sira rasik hakfodak hó kualidade atendimentu". Maibé formasaun ne'e rasik hakarak hateten sa'ida? "Mai to'o Timor ne'e buat diak ida", Rita Correia, formador ida hamutuk hó Sara Crispim nó Directora Odete Fachada, kasu lia hirak ne'e. Maske iha difikuldade oin-oin ne'ebe funsionariu Timor Telecom nian sente, sira iha "vontade bo'ot atu aprende, hadi'a án nó haka'as án atu koalia lian Portugues", nia hatutan.

Bareira bá lian sira hakat liu tia liu hosi tradusan bá lian Tetum tamba " liu pursentu 90 hosi klienti Timor Telecom nian mak koalia Tetum ne'ebe karik ita hanorin teknik bá hadi'an atendimentu nó potensia bá vendas, presija duni atu hanorin hó lian ne'ebe ema barak liu koalia", Rita Correia justifika.

"Orgullu servisu bá TT"

Asaun formasaun ne'e konta hó prezensa funsionariu foun nó antigu sira nó bá Dória Araújo, hosi departamentu komersial, hateten katak funsionário antigo sira hanorin fali sira nia experiensia bá sira foun" nó konfesa sai katak nia mós aprende buat lubun bo'ot ida hosi formasaun ida ne'e nó hahí formador nain tolu ne'e sira nia pasiensia. Konkluzaun ne'ebe Rita Correia hasai hosi formandu sira mak " orgullu bo'ot nó sira sente katak sira iha futuru ida tamba servisu bá TT". Ida ne'e mak halo sira hakarak aprende, hadi'an an nó ida ne'e hanesan sentimentu ida ne'ebe ita lá hetan iha Portugal". Maibe, segredu bá susesu ne'e sa'ida? "Ami nia formasaun ne'e iha karakter pratiku liu nó ida ne'e mak fó valor bo'ot mai ami nudar empreza bá formasaun nó hanesan sasukat, tamba ami la'iha formasaun ne'ebe padronizadu. Ami halo bebeik prosesu tomak, halo levantamentu bá produtu sira, informasaun nó servisu sira. Wainhira ami tama iha sala laran, hanesan mós ami tama bá empreza ida", hateten Rita Correia hó laran metin.




Drª Sara Crespim e alunos

Durante a formação


Drª Isabel Fachada ladeada pelos alunos

Drª Rita Correia e alunos