Domingu, 26 Marsu 2017
banner_top_2
Notisia
Site/antena foun iha zona fronteira - Cobertura rede móvel aumenta liu tán
Kinta, 29 Jullu 2010 02:29

Fulan nen dahuluk tinan 2010 remata hó implementasaun site/antena foun 8 (walu). Fó atensaun liucobertura bá zona fronteira nune mós hatama servisu rede 3G iha Lospalos nó Oecusse. To’o tinan ne’e remata sei harí tán site/antena foun 4 (hat).


Uato Carbau, Baguia nó Naunili (Iliômar) hahú fulan Juñu liu bá hetan tia ona kobertura rede móvel, enkuantu Uatu-Lari, Aliembata nó Hatubuilico foin lalais ne’e halo remata tán ona antena nó hetan tán ona kobertura rede móvel. Laga hó Lospalos hetan ampliasaun nó hadi’an liu tán kobertura liu hosi hasa’e tán antena ida-idak ninia ás bá metru 30 nó 50.

Maibe, kresimentu bo’ot liu hala’o iha distritu sira iha fronteira hanesan Covalima/Suai nó Bobonaro. Esforsu bo’ot liu atu hadián kobertura halo oha Tiliomar (atu kobre subdistrito Tiliomar nó Fohorem), Alto Lebos (atu kobre subdistrito Fatu Lulik iha Covalima/ Suai nó subdistrito Lolotoe iha Bobonaro).

Nafatin iha zona fronteira, to’o tinan 2010 remata, sei harí tán site/antena 4 (hat) iha Oesilo (fronteira Sudeste), Nitibe (fronteira Sudoeste), Pássabe (fronteira Sul) nó Citrana (fronteira Oeste). Sacato (fronteira) deit mak sei harí iha tinan oin mai.

Nune mós rede 3G habelar dadaun ona, tamba hafoin Dili, Baucau, Gleno e Aileu, hein katak iha loron hirak mai ne’e Lospalos hó Oecussi hetan tán ona kobertura rede 3G. Iha plano katak to’o tinan ida ne’e remata, kapital distritu hotu-hotu sei hetan ona kobertura rede 3G, nune mós inauguração Centro Comunitários Internet hahú hosi Maubara iha meadus fulan Agustu ne’e.