Sesta, 26 Maio 2017
banner_top_2
Roaming


Kobertura | Presu | FAQ's

> Saida mak ha´u tenki halo antes halo viajen?

Antes halo viajen, tenki konfirma uluk lai buat sira hanesan tuir mai ne´e:

  • Se ita-nia subskrisaun permite atu hetan servisu roaming iha rai destinu;
    Se karik Kliente pré-pagu ida, tenki ativa servisu Roaming pré-pagu nian.
    Se karik Kliente pós-pagu, servisu Roaming automátiku ladauk ativu tuir defeitu. Atu ativa, sei tenki presiza atu selu kausaun $180,00.
    Konsulta uluk lai lista operador parseiru ne´ebé iha akordu roaming pré-pagu no pós-pagu ho TT iha site www.timortelecom.tl
  • Se tenki troka ekipamentu, depende ba rai be atu ba ne´é (iha ekipamentu ketak ba dual-band, tri-band ka quadriband);
  • Presu ida ne´ebé deit mak asosiadu ho servisu roaming (Voz, SMS, MMS, asesu ba Internet, etc).

Bele konsulta informasaun hotu hotu kona-bá kobertura ka, se prefere, liga ba 172* (Timor-Leste) ka +670 77217200**(se iha rai liur) husi ita-nia telemóvel, disponível loron 7 semana semana, oras 24.

*Xamada gratuita.
** Kustu ba xamada be halo ba Timor-Leste tuir tarifáriu Roaming be hakerek tiha ona.

> Hau-nia ekipamentu funsiona iha kualker rai ida?

Ami rekomenda atu verifika antes kedas ita-nia ekipamentu ne´e kompatível ka lae ho teknolojia rai be ita atu ba ne´e.

Iha rai balun ke funsiona ho teknolojia oin oin husi teknolojia standard GSM.

> Bainhira to´o ba rai estranjeiru, ha´u bele hili manualmente operador móvel be sei fornese servisu?

Bainhira liga ita-nia telemóvel iha rai be vizita ne´e, selesaun operador halo automatikamente, ka katak, telemóvel be uza rede ho sinal ida be makaas liu, desde ke iha akordu roaming ho Timor Telecom.

Maibe, bele mós hili operador seluk manualmente liu husi opsaun "selesaun rede" iha menu ita-nia telemóvel.

> Oinsa halo xamada bainhira Roaming?

Xamada ba Timor-Leste
Marka iha ita-nia telemóvel:
+ (ka Kódigu Asesu Internasional *) 670 no no. telemóvel ka telefone
(*) Kódigu ne´e la hanesan husi rai ba rai. Maibe, em vez marka kódigu asesu internasional, ami rekomenda atu ita hakerek tekla +, tamba ida ne´e mak hanesan asesu universal ida ke permite konversaun automátika ba kódigu asesu internasional

Exemplu: Se iha Indonéia no hakarak halo xamada ba nº telemóvel Timor Telecom 7712121
Tenki marka:
+670 77 12121

Xamada ba rai be ba dadaun
Marka iha telemóvel:
Indikativu rede ka área no nº telemóvel ka telefone.

Exemplu: Se karik iha Indonézia no hakarak halo xamada ida ba númeru fiksu iha Jakarta 21 (Indicativu área) 3131313
Tenki marka:
21 3131313


> Oinsa bele simu xamada Roaming?

Bainhira Roaming hela ho ita-nia Kartaun TT, bele simu xamada husi
kualker parte mundu ne´e.

Se deit mak hakarak bele telefone hanesan baibain.
Xamada sei reenkamiña ba rai ne´e no operador be rejista ba, hodi manten nafatin konfidensialidade ba ita-nia lokalizasaun.

Xamada sira be simu tenki selu tuir tarifáriu Roaming be hakerek ne´e.

> Oinsa mak dezativa transferénsia ba voice mail bainhira roaming?

Se karik iha hela roaming xamada sira be transfere ba voice mail mos sei selu. Kada mensajen voz be ema husik hela reprezenta xamada internasional rua:

  • Ida koresponde ho enkamiñamentu ba xamada husi rede Timor Telecom to´o ba operador rai be vizita ne´e (xamada be simu bainhira roaming).
  • Ida korespondente ho reenkamiñamentu to´o ba VoiceMail (xamada be halo ba Timor-Leste).
Atu evita kustu sira ne´e bainhira iha hela estranjeiru, antes halo viajen, ami rekomenda atu kansela enkamiñamentu ba VoiceMail.

Iha alternativa, bele liga ba 172* (Timor-Leste) ka +670 77217200**(iha estranjeiru) husi ita-nia telemóvel, disponível loron 7 iha semana ida, oras 24 loron ida.

*Xamada gratuita.
** Kustu ba xamada ida be halo ba Timor-Leste tuir tarifáriu Roaming be hakerek ona.

>Saida mak ha´u tenki halo bainhira ha´u besik ona fronteira atu evita halo komunikasaun Roaming?

Kliente sira be iha zona besik fronteira entre Timor-Leste no Indonézia bele pontualmente uza involuntariamente servisu roaming ho ita-nia telemóvel ka plaka.

Situasaun ida ne´e tamba kobertura rede Indonézia bele hetan zona teritóriu nasional balun ka iha problema pontual kobertura operador nasional.

Imposível atu impede mosu pontual roaming involuntáriu, atu nune´e utilizador sira tenki hatene katak bele mosu problema no tenki halo medida atu bele evita.

 
ban_right_servicos