Kinta, 28 Marsu 2024
Pulsa Premiada

Saida mak ne´é | Regulamentu | FAQ's

Regulamentu
“Raspadinhas Físicas Premiadas/Koir Kartaun Fíziku manán Prémiu”



Timor Telecom, S.A., simplesmente ho naran “Timor Telecom” ho sede iha Rua Prezidente Nicolau Lobato, Timor Plaza, 4.º Pizu, pesoa kolektiva n.º 1014630, rejista iha Diresaun Nasionál Komérsiu Doméstiku ho n.º 01847Q/MTCI/XI/2012, hakarak lansa tipu foun husi rekarga fizika “pulsa” ho kampaña ne’ebe hanaran “Raspadinhas Físicas Premiadas”, ne’ebé sei halo tuir kondisaun tuir mai:

Kláuzula dahuluk
Objetu


  1. “Raspadinhas Físicas Premiadas” kampaña ida ne’ebé sei permite ba kliente sira hotu ne’ebé sosa rekarga fízika husi 2$, 5$ ou 10$ atu hetan prémiu gratuitu.


Kláuzula daruak
Aseitasaun, durasaun no publisidade


  1. Partisipasuan iha kampaña ne’e implika integral aseitasaun no vinkulasaun husi partisipante sira ba regulamentu ne’e.
  2. Modalidade pulsa ne’e sei hahu iha loron 3 fulan Dezembru tinan 2015 no iha durasaun tinan 1 (ida), maibe se Timor Telecom hakarak bele halo renovasaun automatiku ba periodu hanesan.
  3. Publisidade ba modalidade pulsa foun ne’e realiza liu husi meiu publisitáriu tuir mai ne’e: outdoors, cartazes ba loja Timor Telecom sira , flyers, site husi Timor Telecom (www.timortelecom.tl) husi Sapo TL (www.sapo.tl), facebook husi Timor Telecom, TV loja Timor Telecom no rádiu sira.
  4. Timor Telecom asegura katak informasaun ne’ebe hasai liu husi publisidade kontem ona informasaun nesesáriu sira hotu.


Kláuzula datoluk
Partisipante sira iha kampaña


  1. Modalidade pulsa ne’e fó-ba kliente pré-pagu no pós-pagu sira husi rede Timor Telecom
  2. Atribuisaun prémiu iha plafond, kampaña ou pakote ne’e depende husi regra sira ne’ebé aplika iha plafond, kampaña ou pakote iha tarifariu ka planu móvel pré-pagu ou pós-pagu ne’ebé vigor. Ou, se karik daudaun ne’e iha tarifariu ruma ou planu sira ne’e proibidu atu iha plafond, kampaña ou pakote perfil sira ne’e kontinua nafatin labele uzufrui benefisiu sira nee.


Kláuzula dahaat
Prémiu sira


  1. Kliente pré-pagu sei simu premiu liu husi kreditu diretu iha nia plafond ka bele mos ativa kampaña ruma no premiu sira sei atribui automatikamente iha númeru telemóvel ne’ebé enxe pulsa.
  2. Prémiu ba kliente pós-pagu bele hetan ninia korespondensia ne’ebe jatuir iha tabela iha anexu 1, ne’ebe hola parte integrante husi Regulamentu ne’e.
  3. Kona-ba prémiu fíziku tenke ba foti iha loja Timor Telecom nian
  4. Prémiu ba kliente pré-pagu no pós-pagu haktuir ona iha anexu 1 husi Regulamentu ne’e.
  5. Pulsa fizika premiada husi 2$, 5$ no 10$ ne’e sempre asosia ho premiu ida.


Kláuzula dalimak
Simu prémiu sira


  1. Iha momentu karegamentu rekarga fízika, sei hala’o validasaun ba prémiu ne’ebé asosia ho kupaun ka pulsa ida. No sei valida mos se benefísiu ne’e bele aplika ba planu ka tarifariu husi kartaun ne’ebé halo karegamentu.
  2. Kliente sei hetan prémiu bainhira respeita regra ne’ebé define ona iha pontu anterior no sei simu mos notifikasaun kona-ba atribuisaun prémiu ne’e.
  3. Karik prémiu ne’ebé atribui ne’e prémiu fíziku, sei notifika mos ba kliente kona-ba oinsa bele foti prémiu iha loja Timor Telecom.
  4. Karik prémiu ne’ebé atribui sei la aplika ba iha planu ou tarifariu kliente nian, sei simu mos notifikasaun atu oinsa bele reklama hodi troka fali ho prémiu seluk.
  5. Kliente iha kampaña ne’e iha loron 30 konta husi data notifikasaun hodi foti ninia prémiu fíziku.
  6. Kliente pós-pagu sira iha to’o loron 30 konta husi data notifikasaun hodi reklama prémiu substituisaun, ne’ebé haktuir iha anexu 1 husi Regulamentu ne’e
  7. Liu tiha prazu ne’ebé hatete iha númeru anterior, kliente sei lakon direitu ba prémiu no sei la halo kualkér pagamentu ho osan hodi troka premiu ne’e.
  8. Atu benefisia prémiu fíziku, no iha prémiu fiziku deit mak kliente husi kampaña ida ne’e tenke hakat ba loja TT ida no aprezenta obrigatória ninia kartaun eleitorál ou pasaporte, karik dadus ne’e koresponde ho identifikasaun ne’ebé iha Timor Telecom ba númeru telemóvel, SMS notifikasaun prémiu nian no pulsa premiada.
  9. Kliente tenke asina deklarasaun kitasaun prémiu ida no pulsa premiada sei iha pose husi Timor Telecom.


Kláuzula daneen
Kláuzula daneen


  1. Reklamasaun sira kona-ba prémiu ne’ebé atribui tenke aprezenta ba Timor Telecom iha kualker loja Timor Telecom ou liu husi númeru 172 to’o tuku 18:00 konta husi loron tolu husi loron servisu nian hafoin simu notifikasaun prémiu nian
  2. Kona ba prémiu fíziku, reklamasaun tenke aprezenta ba Timor Telecom iha loja Timor Telecom ou liu husi númeru 172 to’o tuku 18:00 00 konta husi loron tolu husi loron servisu nian hafoin simu tiha premiu fiziku ne’e.
  3. Reklamasaun sira ne’ebé aprezenta hafoin prazu ne’ebé estabelese iha númeru anterior sei la konsidera.


Kláuzula dahituk
Dispozisaun diversas


  1. Timor Telecom rezerva direitu atu (i) suspende, iha kualkér altura, temporária ou definitivamente, kampaña ne’e, ou (ii) modifika termu no kondisaun sira rasik, iha kazu ikus ne’e, dizponibiliza iha ninia site (www.timortelecom.tl), regra foun, tan ne’e sei livre no laiha kualkér obrigasaun ou kompesasaun ho partisipante sira.
  2. Laiha kustu adisionál ba buat ne’ebé hatete iha Regulamentu.


Díli, 26 Novembru 2015



  Manuel Joaquim Capitão Amaro
Administrador Delegado
 


Anexo I

[PREMIU NIA NARAN] Deskrisaun Atribuisaun
Pré-Pago Pos-Pagu
$250 BONUS/MENSAL Kréditu iha valór $ 250 iha plafond “Bonus” validade to’o loron 30. Kréditu sei renova iha loron 30 durante tinan ida ( iha total kréditu 12). Data kona-ba renovasaun kréditu iha direitu hanesan referénsia ba data utilizasaun voucher. Automátika Kréditu Administrativu mensalmente iha itens Xamadas TT/Sms TT no internet to’o $250
$100 BONUS/MENSAL Kréditu iha valór $ 100 iha plafond “Bonus” validade to’o loron 30. Kréditu sei renova iha loron 30 durante tinan ida ( iha total kréditu 12). Data kona-ba renovasaun kréditu iha direitu hanesan referénsia ba data utilizasaun voucher. Automátika kréditu Administrativu mensalmente iha itens husi Xamadas TT/Sms TT no internet to’o $100
Mobile TT Kman (prémiu fiziku) Atribuisaun telemóvel TT Kman ida Foti iha loja Foti iha loja
ABSL Oferta “AiiiBeikXa! Super Lite” Automátika Ajusta manual iha plafond “PCC MINUTUS ONNET” – 10 min ou Karegamentu iha pré-pagu seluk
ABL Oferta “AiiiBeikXa! Lite” Automátika Ajusta manual iha plafond “PCC MINUTUS ONNET” – 10 min ou Karegamentu iha pré-pagu seluk
ABX Oferta “AiiiBeikXa!” Automátika Ajusta manual iha plafond “PCC MINUTUS ONNET” – 10 min ou Karegamentu iha pré-pagu seluk
$1BONUS GRATIS Oferta de $1 no plafond “Gratis” com validade de 5 dias. Automátika Ajusta manual iha plafond “PCC MINUTUS ONNET” – 10 min ou Karegamentu iha pré-pagu seluk
$5BONUS GRATIS Oferta $5 iha plafond “Gratis” ho validade loron 5. Automátika Ajusta manual iha plafond “PCC MINUTUS ONNET” – 10 min ou Karegamentu iha pré-pagu seluk
Pacote RS S02 Oferta husi pakote husi dadus redes sosiais “S02”. Automátika Ajusta manual iha plafond “netBoot IT” – 50MB
Pacote RS S05 Oferta husi pakote husi dadus redes sosiais “S05”. Automátika Ajusta manual iha plafond “netBoot IT” – 150MB
Pacote NET TT1 Oferta husi pakote husi pakote dadus “TT1”. Automátika Automátika
Pacote NET TT5 Oferta husi pakote dadus “TT5”. Automátika Automátika
10MB NET Oferta 10MB iha plafond “PakoteNet” (móvel pré-pagu) ou “Netboot IT” (móvel pós-pagu) ho validade loron 1. Automátika Automátika
3 MIN TT Oferta 3 minutu iha plafond “TTFun” ho validade loron 1. Automátika Ajusta manual iha plafond “PCC MINUTUS ONNET” – 3 min
5 SMS TT Oferta 5 SMS no plafond “SMS Nacional” com a validade de 1 dia. Automátika Ajuste manual no plafond “PCC SMS ONNET” – 5 SMS