Domingu, 20 Agostu 2017
banner_top_2
Notisia
Timor Telecom apresenta imajen foun
Segunda, 22 Fevereiru 2010 19:46

Ohin, Timor Telecom, aprezenta ninia marca foun: marca modernu ne’ebe sai sinal ba faze foun empreza nasional telekomunikasaun.

Nune’e, TT hakarak hakbsik án liu tán bá ema iha rai ida ne’e, hodi afirma án hanesan empreza joven, moderna nó inovadora. Respeita nó hanoin nafatin ninia passado, imajen foun ida ne’e hateten katak empreza ida ne’e hafoun án nafatin nó haré bá ninia futuro.

Ohin, ita lansa ofisilamente, marca foun ne’e, hó jantar bo’ot ida iha Dili, hó prezensa figura barak husi Estado, sosiedade nó corpo diplomatico iha Timor Leste. Iha rai laran tomak, loja nó TT nia sasán hotu-hotu sei muda bá kor foun nó simbolo foun empreza nian.

Hamutuk hó marca foun ne’e, ohin mós halo lansamentu website foun Timor Telecom. Iha tempo ne’ebe TT hakas án iha serviso Internet bá rai ida ne’e, website ne’e hanesan pajina modernu nó funsional, atu servi diak liu tán, iha fatin ne’ebe deit, ema sira ne’ebe hakarak hatene diak liu tán Timor Telecom.

Momento foun ida seluk iha faze foun Timor Telecom nian maka sei halo mos lansamentu bá Servisu Terseira Jerasaun ne’ebe sei hala’o semana rua tuir mai. Sei halo ema troka foto nó video entre telemovel nó bele uza internet liu husi komputador ká telemovel iha fatin ne’ebe deit mak hetan kobertura 3G.

Bá faze foun ida ne’e, empreza ne’e marca tinan 2010 hanesan tinan bá investimento bo’ot bá telekomunikasaun rai ida ne’e nian : to’o tinan ida ne’e remata, pursentu 82 husi populasaun sei.

hetan kobertura 2G nó pursentu 44,7 sei hetan kobertura 3G. Investimentu bá rede iha tinan 2009 to’o 2011 sei gasta osan tokon 35 dolar Amerikanu.

Iha Sábado mai ne’e, TT mós sei organiza konsertu muzika bá populasaun iha kampu Demokrasia, Dili, hahú husi tuku 4 lorokraik hamutuk hó banda muzika 5 do Oriente, Rock Alegre, Dejukdil/Diocese Band nó Gembel. Konsertu ne’e sei fó gratuita ká ema sira ne’ebe hakarak bá haksolok hamutuk iha ne’ebá sei lá selu.


 
Timor Telecom patrocina foun website presidencial
Sábadu, 20 Fevereiru 2010 00:05

Iha fulan Janeiru liuba, Kompania Timor Telecom no Presidente da Republica de Timor – Leste asina protokolu kooperasaun ba alojamentu website foun presidencial nian iha servidor koncesionariu servisu universal nian husi telecomunikasaun iha país ne’e.

Laiha tempu ne’ebe limitadu ba servisu hamutuk, dokumentu ne’e asina husi xefi Gabinete Gabinete husi SE. Presidente da Republica, Dr. Gregório de Sousahamutuk ho Dr. Isabel Nolasco husi Timor Telecom. Sukat ba servi universal loncesionariu ba telekomunikasaun hirak ne’ebe iha Timor Leste mak sei iha rasik nia logo ba pajina abertura nian Website Presidencial: “Powered by Timor Telecom”.


 
Timor Telecom to’o ona bá klienti rihun 300
Kuarta, 20 Janeiru 2010 23:54

Iha fulan Dezembru liu bá, TT to’o tia ona bá klienti rihun 300 nó Administrador delegado TT, Manuel Joaquim Capitão Amaro, afirma hó laran metin katak “to’o fulan Dezembru remata ami sei to’o bá klienti rihun 330”.


Oras ne’e dadaun ami habo’ot tán kapasidadi site/antena 17 nó hirak ne’e sei remata iha tinan ne’e nia rohan. Bá faze 6 projeta tia ona site/antena 13, ne’ebe site/antena 12 prontu tia ona, hela deit antena ida iha Zumalai, Suai, mak sidauk prontu. Iha faze 7 sei harí tán antena 4, ida iha Natarbora, ne’ebe sei hahú servisu molok tama bá Natal. Sei iha faze ida ne’e, TT sei tau ninia atensaun bá kosta sul (tasi mane) rai ne’e nian, ne’ebe sei harí site/antena foun 13.

“Hó investimentu bo’ot ida ne’e, to’o tinan 2010 remata, ami hein atu to’o bá klienti rihun 550 husi servisu móvel”, konklui Manauel Amaro.


 
Valentim ho Timor Telecom
Sesta, 15 Janeiru 2010 00:12

Husi 14 fulan Janeiro to’o 14 Fevereiro sei iha kursu ba kompanhia TT nian, ba hasa’e nia numero klientes no fo satisfasaun.

Ho nia moto “ Sosa Sim Card ida no TT sei oferese seluk ida”, Kompanhia oferese ba kliente foun sira Sim Card 2, ho $3 no $1 saldo idak-idak no karik bele liu iha viajen tolu ba ema nain rua iha Bali, durante fim-de-semana ida, hamutuk ho viajen hotel e $500 ba osan bolso.

Ba manan nain sira sei fo hatene iha loran 19 fulan Fevereiro.


 
Portugal Telecom aprezenta planu estratéjiku husi Timor Telecom
Sábadu, 19 Setembru 2009 23:40

Iha fulan Setembru liu bá, Prezidente Portugal Telecom, Zainal Bava, mai Díli atu aprezenta Timor Telecom ninia planu estratéjiku foun , hó objetivu atu fó tán forsa bá investimentu iha área Telecomunikasaun iha Timor Leste.


Tuir Zainal Bava, “planu ida ne’e define etapa nó estratejia foun, nune’e mós dezenvolvimentu nó implementasaun servisu foun, solusaun teknolojia, marka foun, ne’ebe reflete empreza ninia komprimisu hó Timor Leste”.

Zainal Bava explika katak PT mak pioneiru TT nian bá investimentu infra-estrutura sistema telecomunikasaun..

“Hanesan operadora ativa bá ekonomia Timor Leste nian, ne’e estrutura bo’ot nó oi-oin, ne’ebe fornese asesu bá informasaun nó habelar hó baze iha klienti sira, ne’ebe to’o ohin hamutuk rihun 220 nó to’o tinan ne’e remata sei sa’e bá rihun 300”, nia hatutan.

Bá Zainal, infra-estrutura telekomunikasaun iha rai ida ne’e sei diak liu tán liu husi aumentu kobertura rede móvel nó fixu, habelar rede 3G bá zona urbana sira hotu, harí kabu submarinu ida ne’ebe sei liga Timor Leste hó mundu, loke tán loja nó aumenta númeru ajenti sira. Objetivu prinsipal mak to’o iha tinan hat nia laran sei to’o bá pursentu 90 husi populasaun hó asesu telefone.


Sorumutu hó Primeiro Ministro Xanana Gusmão

Prezidente PT ne’ebe akompaña husi Administrador Delegado TT, Manuel Amaro, hasoru malu hó PM Xanana Gusmão nó Ministra Finansas, Emília Pires, hó intensaun atu hato’o polítika TT nó aumentu kobertura rede nian, asesu telefone iha distritu 13 ne’ebe sei to’o bá pursentu 90 husi populasaun.

“Ami hasoru malu hó PM atu koalia kona bá komprimisu TT nian iha espansaun investimentu iha TL, hadi’an kobertura rede telekomunikasaun ne’ebe klienti sira merese atu hetan” Zainal explika.

Tuir PM nó Ministra Emília Pires, politika atu hamosu lei liberalizasaun atu kompanhia seluk bele tama lá so deit atu haré ba kompetisaun direta ho TT, maibe atu hatán bá preokupasaun nó ejijensia husi klienti sira ne’ebe husu Governo atu hatama operador foun.

Zainal Bava laran metin katak” hafoin fulan nen, bainhira nia fila fali mai vizita TL, iha ona mudansa nó melhoria iha telekomunikasaun” nó katak “ importante mak ekipa ne’ebe servisu nó PT fó apoiu, atu nune’e iha tempu oin mai TT bele hadi’a ninia imajen” nia konklui.

 
Timor Telecom iha acordo roaming ho SMS ho Vodafone, Nova Zelândia.
Kinta, 02 Abril 2009 09:00

 

 
Timor Telecom iha acordo roaming ho SMS ho Digicel, FIJI.
Tersa, 24 Marsu 2009 20:30

 

 
Timor Telecom iha acordo roaming ho SMS ho New Zealand Communications, Nova Zelandia.
Kuarta, 24 Dezembru 2008 20:48

 

 
Timor Telecom iha acordo roaming ho SMS ho Vodafone, Holanda
Kuarta, 19 Novembru 2008 20:52

 

 
Timor Telecom iha acordo roaming ho SMS ho VIVO, Brazil
Segunda, 22 Setembru 2008 20:55

 

 
<< Início < Anterior 1 2 3 4 5 6 7 Seguinte > Final >>

Pág. 5 de 7